Nagtatanong ba ang iyong isip habang ika’y nakatulala?
Kung ano ang sorpresa ng bawat umaga?
Nais mong sumaya ngayon sa kung anong meron ka?
Ngunit sagot ng isip ay karapat dapat ka ba?
Nadudurog ba ang iyong puso habang ika'y nakatulala?
sa kahapong pakiwari mo'y tuso’t mapanlamang
Isip mo'y ika'y nagkulang ngunit ang bawat araw ay sadyang
magkakaiba lamang
At iyong napagtanto binigay mo’y sapat naman pala, padududa
ay dapat walang puwang
Nararamdaman mo pa ba ang pagasa habang ika'y nakatulala?
Dahil dilat pa ang mga mata at papalapit na ang bukas
Sa bawat tunog ng pag ikot ng kamay ng orasan, dalangin moy
tumigil muna ang oras
Nang sa gayon makapaghanda ng wagas at may magagamit na
lakas
Paano ang bukas, ang tanong ng isip sa isat isa
Maari bang balikan ang kahapon
at nang maitama ang mga maling lumipas na
o sadya bang nakatakda ang bawat panahon
Nakatanaw sa malayo ngunit walang nakikita
Tila bang bulag na dapat mangapa ngapa
Walang maisip kundi maging tulala
Nararapat kayang mamahinga muna?
No comments:
Post a Comment